Здружението „Хумани крводарители“ при ЈП Комунална хигиена-Скопје, во соработка со Црвениот крст, денеска реализираше акција за дарување крв во којашто земаа учество 38 вработени во Претпријатието.

Дарувањето крв претставува благородна и многу значајна активност, а Здружението „Хумани крводарители“ ги поттикнува сите вработени без двоумење да се одлучат да станат крводарители, бидејќи нивната одлука може да придонесе да се спаси нечиј живот.

Крв смее да дарува секое здраво лице на возраст од 18-65 години, а согласно процедурите мажите даруваат на секои три месеци, додека жените на секои четири месеци.