Екипите на ЈП Комунална хигиена-Скопје во текот на денешниот ден ја завршија

повеќедневната акција за чистење на поширокото централно градско подрачје.

Во рамките на акцијата беше спроведено рачно и машинско метење на јавните и сообраќајните површини на булеварите Гоце Делчев, Филип Втори, Крсте Мисирков, Никола Карев и Александар Македонски.

Воедно, беа отстранети приближно 170 кубни метри отпад од диви депонии лоцирани во реонот на Карадак Маало - во непосредна близина на комплексот факултети при Универзитетот „Кирил и Методиј", како и на булеварот Александар Македонски, на потегот кон х.Континентал.

Во акцијата учествуваа и екипи на ЈП Паркови и зеленило.