ЈП Комунална хигиена- Скопје продолжува со реализација на активности за машинско миење со автоцистерни на булеварите и сервисните улици во надлежност на Град Скопје. Машинското миење се спроведува во раните утрински часови, при намалена фреквенција на пешаци и возила. Машинското миење на булеварите и улиците значително придонесува за зголемување на нивото на хигиената и чистотата на територијата на градот Скопје, намалување на загадувањетo, зголемување на квалитетот на животот во населените места и заштитата на јавното здравје.